Lirik Cinta Karuhei - Krisna
Lirik Cinta Karuhei – Krisna
Tabe salamat lingu nalatai
Hayak karungut aku manyampai
Mangambang kesah kue habambai
Salam taharu dia baranai
Turus janji kalutuh kesah
Ikau hatue je akan tampayah
Kasayang ku dengam dia laluah
Cinta satia bapeteng segah
Tiruk hoang jatunti beken
Belum melai pantai kalunen
Kahuang ku dengam bilang ngalabien
Angat ngaruhei bereng sabanen
Angat atei kuh puna gairah
Nampayah ikau atei salawah
Kilau pangkeme jata manuah
Iyuh kaka jagau balinga
Panatau raja inuah jata
Bara tamparan hasampuk mata
Lembut angat garujut cinta
Sadang katahi nyarenan huang
Harun sinde tuh ikau ingganang
Perasaan haru bacampur sanang
Manyundau kaka je jagau pandang
Rasuk jadi kue hasundau
Ikau hatue kapanatau jagau
Dia sakadar kutak kamburau
Ikau harapan karuhei tatau
Iyuh kaka je hatue nupi
Hasupa dengam puna rajaki
Kanatek nintu tasalurui hai
Janji satia akan turus janji
Kahuang atei sama badehen
Tandingan pagar kayu tabalien
Tanah segah hayak parmanen
Nahalau riwut gosip kalunen
Jatun sempurna kutak sarita
Dia batulang melai tutuk jela
Aku tuh bawi pantas I nyinta
Cinta satia aku maina
Dia kanyasal muh manduan aku
Kasayang dengam je paham tutu
Ibarat bawi baribu ribu
Baya aku dia akan nanjaru
Auh jituh dia sakadar pander
Dengang kuh ikau dia akan gaer
Pahayak karungut lagu dan deder
Aku basumpah manyampai pander
Cinta ku dengam ikau marima
Mikeh tege pander je sala
Kahimat janji manjadi tanda
Sampai manuju pantai bahagia
Kalute kia aku balaku
Dengan kuh ikau ela ndai ragu
Jatunti beken kan tampayah bau
Baya ikau turus sangka lemu
Aluh are riwut galombang
Balaku ikau dengan kuh sayang
Ela tindar sampai tambalang
Kue belum sampanja panjang
Kalutuh ahir tandak sarita
Sampai hetuh uraian kata
Karungut cinta salam budaya
Terima kasih sampai hetuh kea
Posting Komentar untuk "Lirik Cinta Karuhei - Krisna"